الدليل الرسمي
هذا الفهرس بوضح شو بتعمل كل ميزة، شو حدودها، وحالتها. ما بنعتبر الميزة جاهزة للعامة إذا كانت لسا تجريبية.
منتجات منظمة ضمن فئات رئيسية وفرعية. الفئة الفرعية ما بتظهر إذا ما فيها منتجات منشورة. البحث، المفضلة، الصور، السعر بالشيكل والتوكن، المخزون، الضمان، السياسة والتنبيهات المهمة جزء من بطاقة المنتج ورحلته.
إذا المنتج فيه خيارات، اللون والمقاس المختارين بنحفظوا مع نفس عنصر السلة. المنتجات اللي ما إلها مقاسات ما بنفرض عليها خيار وهمي.
البيانات المنظمة بتساعد بعرض بدائل قريبة لما منتج يخلص أو لما الزبون يدور على شيء مشابه.
حساب مساعد داخل الرسائل. بقدر يشرح مزايا PSES، يساعد المستخدم يصيغ احتياجه، ويقترح منتجات فعلية متوفرة ضمن ميزانية أو مناسبة معينة. اقتراح المنتج بظهر كبطاقة قابلة للإضافة للسلة من المحادثة.
السعر والمخزون ومعلومات الطلب الحساسة لازم تيجي من خدمات PSES الموثوقة، مش من تخمين النموذج. قدس ما إله بروفايل اجتماعي عادي، ومحادثته بتظل متاحة كمكان مساعدة.
قدس مساعد قرار، وممكن يخطئ. ما بقدم نصيحة طبية أو قانونية، وما بوعد بتوفر منتج بدون تحقق.
لمنتجات الملابس المدعومة، المستخدم بختار صورته وصورة القطعة المحددة، والنظام بولد معاينة تقريبية داخل التطبيق. النتيجة هدفها تساعد على تصور الشكل، مش إثبات قياس أو لون أو تطابق قماش بشكل مضمون.
الصور تُعالج ضمن المسار المخصص للميزة، والنتيجة لازم تحافظ قدر الإمكان على هوية الشخص وبنية القطعة. النتيجة الضعيفة لازم تنرفض أو تنعرض مع تحذير واضح.
إطلاق تجريبي مضبوطميزة قيد التجربة تساعد المستخدم يبني قياسات تقريبية من صورة أمامية كاملة مع مرجع معروف القياس مثل ورقة A4. لما يكون لكل مقاس في القطعة قياسات فعلية بالسنتيمتر، النظام بقدر يقارن ويعطي تنبيه لطيف إذا المقاس المختار غالبًا مش الأنسب.
النظام لازم يرفض الصورة غير القابلة للقياس ويشرح السبب وطريقة التصوير الأفضل. النتيجة تقريبية، والمستخدم بقدر يكمل باختياره.
Pilot — ما بنعممه قبل إثبات الدقةFeed عمودي لفيديوهات قصيرة داخل التطبيق، وكل فيديو لازم يرتبط بمنتج. فيه مساران واضحان: تجارب ناس اشتروا فعلًا، وفيديوهات ينشرها الناس. الإعجاب، التعليق، المشاركة، المشاهدات والتبليغ جزء من التجربة.
الإشارات مثل المشاهدة والتفاعل والمنتج المرتبط ممكن تساعد على ترتيب المحتوى، مع توضيح سبب الاقتراح وعدم اختراع علامات متابعة أو شعبية.
ميزة منفصلة عن الفيديوهات. بتدعم أنواع عملية مثل مطلوب موظف، سيرة ذاتية، مطلوب منتج وخدمة. البوست بقدر يحتوي مدينة، حالة، تاريخ انتهاء وتعليقات، مع حفظ وبلاغ وحظر لحماية المجتمع.
ربط المنتج اختياري حسب نوع البوست، بعكس فيديو Feed اللي لازم يرتبط بمنتج.
المستخدم بشوف عناصر طلبه، الكميات، اللون والمقاس، الدفع والحالة. تحديثات الطلب بتوصل داخل التطبيق وبإشعارات الهاتف حسب الصلاحية.
الدفع ممكن نقدي أو بتوكن PSES حسب توفر الخيار. الإرجاع ممكن يكون لقطعة واحدة من الطلب، وتسوية الإرجاع بتضاف كرصد توكن داخلي حتى لو كان الدفع الأصلي نقدي.
البنية مهيأة لتتبع الرحلات على الخريطة للتوصيل واستخدامات مستقبلية، لكن توفر التتبع الفعلي بيعتمد على الطلب والمنطقة والسائق.
توكن PSES رصيد استخدام داخل التطبيق، مش عملة رقمية ومش قابل للسحب نقديًا. السعر المقابل للشيكل وسياسة الاستخدام بحددهم الخادم، مش جهاز المستخدم.
من مهمات موثوقة مثل توثيق الهاتف أو استكمال بيانات مفيدة، ومن مهمات شراء تدريجية، وإحالات مؤهلة. كل مكافأة إلها شروط وحدود ومرة استحقاق واضحة لمنع التكرار والاستغلال.
المستخدم بقدر يشارك رابط أو رمز إحالة. لما الإحالة تكون مؤهلة ويكتمل طلب موثوق، المحيل بأخذ توكن يعادل 25% من ربح PSES المعترف فيه من الطلب، مش 25% من قيمة الطلب.
المحال ما بنعرضله مين أحاله. والمحيل ما بشوف اسم الزبون ولا تفاصيل طلبه ولا قيمته؛ بشوف أرقامًا إجمالية ومكافآت داخلية فقط. المكافأة بتخضع للأهلية والحدود ومكافحة إساءة الاستخدام.
محادثات بين المستخدمين ومحادثة قدس، مع إرسال متتابع وحذف من طرف المستخدم والتبليغ عن محادثة مسيئة. الإشعارات بتغطي الرسائل والطلبات والدعم والتفاعل المهم، بدون عرض رسائل Firebase أو معرفات تقنية للعميل.
بدك جواب مباشر؟
تعرف على الدفع، التوكن، الخصوصية، المقاسات، التوصيل والإحالة بإجابات مختصرة.
افتح الأسئلة والأجوبة